Azərbaycanın qlobalda tanınan startupları hansılardır?

Azərbaycanda Startup mədəniyyəti necə inkişaf edir?

Azərbaycan son illərdə sürətlə inkişaf edən startup mədəniyyəti formalaşmışdır. 2000-ci illərin əvvəllərindən başlayaraq ölkədə startupların təşviqi və dəstəklənməsi istiqamətində bir sıra mühüm addımlar atılmışdır. Ölkənin gənc əhalisinin enerjisi və yaradıcılığı Azərbaycanın startup ekosistemini formalaşdıran əsas elementlərdən biridir.

Ölkədəki universitetlər və təhsil müəssisələri tərəfindən startup proqramlarına verilən önəm gənc istedadların startup dünyasına daha yaxşı hazırlaşmasını təmin edib. Bundan əlavə, sahibkarlıqla bağlı tədbirlər, müsabiqələr və tədbirlər vasitəsilə gənc sahibkarlara imkanlar təklif olunur.

Startapları dəstəkləmək üçün hökumət və özəl sektor strategiyaları necədir?

Azərbaycan hökuməti startup ekosistemini inkişaf etdirmək və ölkənin davamlı inkişafına töhfə vermək üçün bir sıra strategiyalar hazırlayıb. Bu strategiyalara vergi üstünlükləri, maliyyə stimulları, təlim proqramları və startup ekosistemini yaradan infrastruktur dəstəkləri daxildir.

Bu strategiyalara paralel olaraq, özəl sektor inkubasiya mərkəzləri, mentorluq proqramları və investisiya fondları kimi mexanizmlər vasitəsilə gənclərə dəstək verir. Böyük şirkətlər gənc sahibkarlara mentorluq və əməkdaşlıq imkanları təqdim etməklə ekosistemi gücləndirir və innovasiyaları təşviq edirlər.

İnvestorların və Startuplara dəstək təşkilatlarının rolları hansılardır?

Azərbaycanda startupekosistemi bir sıra investorlar və dəstəkləyici təşkilatlar tərəfindən gücləndirilir. İnvestorlar maliyyə dəstəyi göstərməklə yerli müəssisələrin böyüməsinə töhfə verirlər. Bu investorlar tez-tez sahibkarlara təkcə maliyyə dəstəyi deyil, həm də biznesin inkişafı, marketinq və strateji planlaşdırma üzrə təlimatlar təklif edirlər.

Dəstək təşkilatları inkubasiya mərkəzləri, startuptəlimləri və şəbəkələşmə tədbirləri təşkil etməklə sahibkarlara öz bacarıqlarını inkişaf etdirməyə kömək edir. Bu təşkilatlar sahibkarlar arasında əməkdaşlığı və bilik mübadiləsini təşviq edir və bununla da ekosistemi daha möhkəm edir.

Startaplar üçün mərkəzlər:

1. İnnovasiya və Rəqəmsal İnkişaf Agentliyi:
   
   Bu tip qurumlardan biri İnnovasiya və Rəqəmsal İnkişaf Agentliyidir. Bu agentliyi ölkədə rəqəmsal transformasiya sahəsində fəaliyyətin təşkili, yerli innovasiya mühitinin formalaşdırılması, ekosistemin gücləndirilməsinə xidmət edir. Fiziki və hüquqi şəxslərə innovasiya yönümlü elmi-tədqiqatlarına və innovativ layihələrinə (Startapları) dəstək vermək, müasir texnologiyaların və texnoloji həllərin əldə olunmasında yardım göstərərək ölkədə İKT sahəsində əlçatan təhsil və karyera imkanlarını təmin etmək bu agentliyin əsas məqsədlərindəndir.
   
2. SABAH.HUB İnnovasiya Mərkəzi:
   
   Bir digər mərkəz isə SABAH.HUB İnnovasiya Mərkəzidir. Bu mərkəz müxtəlif sahələrdə yeni startapların yaranmasına və inkişaf etməsinə dəstək olan İnnovasiya Mərkəzidir. Bu mərkəzin məqsədi Azərbaycanda rəqabətli ekosistem yaradaraq iqtisadi inkişafa töhfə verməkdir.
   
   Mərkəzin çətiri altında ölkədə sahibkarlıq biliklərinin və startapların inkişafına dəstək göstərən 3 əsas struktur fəaliyyət göstərir: SABAH.academy, SABAH.incubation və SABAH.lab. Eyni zamanda, təşkil etdiyi silsiləvi layihə, proqram və tədbirlər ilə şirkət yerli startapların yatırım almasına, investorlarla əlaqələrinin güclənməsinə dəstək olur.
   
3. UNEC Startup İnkubator Mərkəzi:
   
   Startup proqramlarından digəri də Azərbaycan Dövlət İqtisad Universitetinin (UNEC) tərkibində yaradılan UNEC Startup İnkubator mərkəzidir. Bu mərkəzin məqsədi bir sıra hakaton, inkubasiya fəaliyyətləri, yarışmalar və bu kimi proqramlarla startup mədəniyyətinin formalaşmasına dəstək olur.
   
4. LTC Global Akselerasiya Mərkəzi və  LTC No-Code İnkubasiya Proqramı:
   
   Qlobal akselerasiya bütün dünyada sürətli böyümə və inkişafa təkan verir. O, kollektiv gələcəyimizi formalaşdıraraq regionlar arasında əməkdaşlığı, innovasiyaları və investisiyaları təşviq edir LTC No-Code İnkubasiyası isə erkən mərhələdə olan startaplara kodlaşdırmadan öz bizneslərini qurmaq və miqyasını genişləndirmək imkanı verir ki, bu da sahibkarlara artım və innovasiya üzərində fokuslanmağa şərait yaradır.

Bu amillər bir araya gəldikdə, Azərbaycanın startupekosistemi həm yerli, həm də beynəlxalq miqyasda diqqətəlayiq potensiala malikdir.

Azərbaycanın tanınmış startupları hansılardır?

1. Nextsale

Nextsale, Müştərilərlə Əlaqələrin İdarə Edilməsi (CRM) və satışların avtomatlaşdırılması platforması kimi seçilən startapdır. O, bizneslərə müştərilərlə qarşılıqlı əlaqəni daha effektiv idarə etməyə kömək etmək üçün nəzərdə tutulub.

Startup məlumatları:

• İşçilərin sayı: 1-10
• Aldığı İnvestisiya: $142,167

2. Eleven Kings Game

“Eleven Kings” 2017-ci ildə azərbaycanlı startapçılar tərəfindən yaradılan, 2020-ci ildə İsveçrədə şirkətləşən mobil oyun şirkətidir. Şirkətin “Eleven Kings – Football Manager” adlı oyunu bir ildən artıqdır istifadəyə verilib. İstifadəçi mobil tətbiqi yükləyib, oyuna daxil olduqda virtual olaraq futbol klubunun baş məşqçisi və sahibinə çevrilir. O, futbolçuları, stadionu, mağazaları, maliyyə, idarəetmə  və s. prosesləri tənzimləməklə Qlobal və Lokal Reytinqdə irəliləməyə cəhd edir, müxtəlif turnirlərə qoşulub virtual və ya real hədiyyələr qazanır, öz menecerlik bacarıqlarını göstərir.

Startup məlumatları:

• İşçilərin sayı: 43840
• Aldığı İnvestisiya: $210,000

3. Planly

Planly müxtəlif sosial media paylaşımlarını vahid bir mərkəzdən idarə etmək və bu paylaşımları daha öncədən planlamağa kömək etmək üçün hazırlanmış bir platformadır. Həmçinin bu platforma sosial media platformalarının analitikasını da istifadəçilərə təqdim edir.

4. Uvodo

Uvodo onlayn sahibkarlar üçün bizneslərini asanlıqla onlayn qurmaq və qazancları əngəlsiz idarə etmək üçün ekosistem qurmağı hədəfləyir.

5. RUNNER

Runner Azərbaycanda innovativ bağlama çatdırılması xidməti təklif edən ilk şirkətdir. Bu şirkət müasir texnoloji alətlər vasitəsilə həm korporativ müştərilər, həm də fiziki şəxslər üçün eyni gündə çatdırılma təmin edirlər.

• İşçilərin sayı: 1-10
• Aldığı İnvestisiya: $35,000

6. Whelp

Whelp şirkətlərə müştəriləri ilə daha effektiv və səmərəli ünsiyyət qurmağa kömək edir. Bu starupın müştəri dəstəyi platforması bizneslərə SMS, səs, WhatsApp, WeChat, Messenger, e-poçt və canlı söhbət daxil olmaqla bir çox ünsiyyət kanallarında müştərilərlə asanlıqla əlaqə saxlamağa imkan verir. Süni intellektə əsaslanan chatbotla şirkətlər müştəri sorğularının 60%-ə qədərini avtomatlaşdıra bilərlər. Bundan əlavə, müştəri idarəetmə platforması birdən çox kanaldan mesajlaşmanı vahid ekranda birləşdirən xüsusiyyətlərlə zəngin interfeys təklif edir.

7. Vizam.az

Vizam.az dünyanın istənilən ölkəsinə səyahət, təhsil və iş vizalarının alınması üçün sənədlərin hazırlanmasına kömək edən onlayn platformadır. Bu şirkət sizə viza alınmasında maksimum yardım edir və müştərilərin prosesə cəlb olunmasını minimuma endirir.

8. Tripsome

Tripsome starup-nın missiyası daha çox insanın sevinc dolu anlar yaratmasına, onları unudulmaz xatirələrə çevirməsinə təşviq etməkdir. İstər öz şəhərinizdə heç vaxt etmədiyiniz bir şey, istərsə də uzaq macəra olsun, önəmli olan sevincin və xoşbəxtliyin harada olduğu deyil, onun sizdə oyatdığı hisslərdir. Buna görə də bu platforma müxtəlif maraqlı və əyləncəli məşğuliyyətləri bir araya toplayaraq istifadəçilərə təqdim edir.

9. Clopos

Clopos startup-nın məqsədi biznes idarəetməsini dadlı pizzaya baxarkən iştahanın artması qədər asan və sürətli etməkdir. Artıq 5 ildir ki, POS həlləri sayəsində bizneslər idarəetmələrini rahatlaşdıraraq xidmət səviyyələrini yüksəldir. Təkcə Azərbaycanda deyil, həm də Türkiyə, Qazaxıstan və Səudiyyə Ərəbistanı kimi ölkələrdə də Clopos həllərindən istifadə edilir. İstər kiçik bir mağaza, istərsə də çoxfiliallı restoran olsun, Clopos bizneslərin işini daha da rahatlaşdırmaq üçün çalışır.

10. Plustechfy

Plustechfy həm plastik təkrar emal maşınları (ekstruderlər), həm də 3D çapı daha əlçatan edən filamentlər istehsal edərək plastik tullantıları azaldan innovativ startapdır.

11. PayRiff

PayRiff onlayn biznesiniz üçün asan inteqrasiya vasitələri və kompleks inteqrasiya imkanları təqdim edir. İstifadəçi panelində əməliyyatlarınızı onlayn izləyə, köçürmələrinizi 3D Secure və PCI-DSS tələblərinə uyğun olaraq həyata keçirə bilərsiniz.

12. Alkredit.az

Bu startup sizin üçün bütün bankların kredit və kart təkliflərini bir araya toplayır. Müştərilər banka getmədən bankların təkliflərini müqaisə edə və özlərinə uyğun olanı seçə bilərlər. Həmçinin, kredit və kart sifarişlərini də banka getmədən online bu sayt vasitəsilə edə bilərlər.

• İşçilərin sayı: 1-10
• Aldığı İnvestisiya: $12,000